Tá an Club ag dul go hInis Meáin!
Tá muid ag eagrú turais go hInis Meáin ar an 30ú Bealtaine go 2ú Meitheamh 2025.
Tá go leor imeachtaí pleanáilte againn i gcomhpháirt le Comhlacht Forbartha Inis Meáin is beidh ardspraoi againn ar an oileán don deireadh seachtaine. I measc na n-imeachtaí, beidh rang agus seisiún amhránaíochta, turais go dtí Teach Synge agus Dún Chonchúir, Súilóid treoraithe agus imeachtaí eile le muintir an oileáin. Dár ndóigh beidh neart craic san áireamh chomh maith!
Faoi láthair tá muid ag lorg léiriú spéise ó dhaoine ar mian leo teacht linn. Tá líon teoranta spásanna ar an turas is tabharfar tús áite do bhaill reatha (chomh maith le lascaine ar lóistín do bhaill reatha).
Má tá spéis agat teacht linn go hInis Meáin, líon amach an fhoirm!