صفحة 1 من 7

اتعلم الرسم مع عمر زروق

واستمتع بي فرصة انك تتعلم الرسم مع فنان محترف يتابع شغلك بصورة يوميه.. ويديك الخبرة بتاعتو على طبق من ذهب .

في الكورس او الفترة التدريبية دي

اي حاجه انا بعرفها عن الرسم انت حتكون بتعرفها.. عبارة عن عملية نقل خبرة.. بنهايتها.. ما حيكون في اي فرق في المستوى ما بيني وبينك.. ولا حيكون في اي ختلاف ما بين الرسم بتاعي والرسم بتاعك.. احتراف كامل 👌

المنصة البيتم عليها التعلم؟

العملية التعليمية كلها من البداية ولحد اخر يوم فيها حتكون على واتساب.

الواتساب، فيه بتتم المتابعة اليومية ليك ولي شغلك، وفيه حتستلم دروسك بمختلف انواعها ( فيديو، صوت، كتابة )، وفيه ح اكون متابع معاك بصورة مستمرة مع امكانية انك ترجع لي في اي وقت.

لشنو الحاجه دي مختلفة ؟

بي بساطه.. لانو ما حقعد اعلم فيك اساسيات او اقول ليك الناس عموما بعملو كدا ولا بسوو كدا.. لالا.. بديك الحاجه الانا شخصياً بعملها.. ونفعت معاي.. وحتنفع معاك مباشرةً.

يعني ماف حاجه اسمها كدي جرب دي احتمال تزبط واحتمال ما تزبط.. لالا

ح تتعلم الحاجات البتزبط مباشرةً..

ح تتعلم الحاجات الحتخلي مستواك في الرسم بعيد مباشرةً..

شديت حيلك معاي؟ سنين من التعلم في الرسم حتختصرها على نفسك في شهر شهرين بس والموضوع انتهى علي كدا.

It is not some random course you find online, you attend .. then move on with your life.

هو بصورة فعليه كدا، عباره عن انو انا وانت بنقعد مع بعض.. ونكون متواصلين مع بعض بصوره يوميه لمده شهر، شهرين، او تلاته.. لحد ما اضمن بنسبة 100% انو مستواك في الرسم وصل لي حته بعيدة 👌.

تفهم اي حاجه في راسك الماكن دا اول.. بعداك تعرف كيف تطبقها في ورقتك.

يعني مافي اااااااي احتماليه لانو تخش الكورس وتطلع ما مستفيد، الاحتمال دا مُستبعد تماماً . ( الا براك تابا )

رسوم التسجيل؟

150 الف جنيه سوداني.

وغير الرسوم، الالتزام شرط اساسي من شروط التسجيل.

طوال فتره الكورس دي حيكون عندنا رسم وتمارين بصورة يومية.. والالتزام شرط اساسي للتسجيل، فهل انت متأكد ناحيه انك حتقدر تلتزم بكل شي مطلوب منك وترسم يومياً ؟

اذا ما متاكد اتوكل امرق من هنا ساي 😊

الحاجة دي معمولة فقط للناس الجادين ودايرين يعملو نقلة حقيقية لمستواهم في الرسم..

واتذكر دايماً: كل ما زاد مدى اجتهادك في الرسم وتطبيق الحاجات المطلوبه منك.. كل ما زادت كمية الفايدة الحتطلع بيها..

يعني الحكاية دي كلها وبصورة عامة قائمة حولينك انت، ومدى اجتهادك على انك تطور من نفسك وتستفيد، فكل ما تكون مجتهد اكتر.. كل ما حتستفيد اكتر.

اذا بقيت جاهز..

وشايف انك زول ما عندو اي مشكله مع التزام.. ومتاكد تماما من ناحيه انو داير يستفيد ويجتهد في تطوير مستواه في الرسم .. اتوكل ابدا اجراءات تسجيلك طوالي بعدا