Page 1 of 1

პერსონალურ მონაცემთა დაცვის ოფიცრის (DPO) სასერტიფიკატო კურსი

კურსის აღწერა

სასერტიფიკატო კურსის ფარგლებში დარგის ექსპერტი დეტალურად გაგაცნობთ პერსონალურ მონაცემთა დაცვის მარეგულირებელ კანონმდებლობას და შეგასწავლით მიღებული ცოდნის პრაქტიკულ საქმიანობაში გამოყენებისთვის საჭირო უნარებს.

სწავლების პროცესი ინტერაქციულია და ითვალისწინებს ლექციების მიმდინარეობისას მსმენელებსა და ტრენერს შორის აქტიურ კომუნიკაციას, რაც მოგცემთ შესაძლებლობას, მიიღოთ ამომწურავი ინფორმაცია თქვენთვის საინტერესო შეკითხვებზე.

კურსის ფორმატი: დისტანციური.

კურსის ხანგრძლივობა: 14 ლექცია (35 საათი).

კურსის ღირებულება: 790 ლარი.

ლექციები გაიმართება კვირაში ორჯერ, ოთხშაბათს და შაბათს, 19:30-დან 22:00-მდე.

პირველი ლექცია: 9 მაისი. ბოლო ლექცია: 24 ივნისი.

ლექციების დასრულების შემდეგ, 27 ივნისს, ჩატარდება ფინალური ტესტირება.

ფინალური ტესტირება წარმატებით გავლილად ჩაეთვლებათ იმ მსმენელებს, რომლებიც მიიღებენ მაქსიმალური შეფასების არანაკლებ 60%-ს.

იმ მსმენელებს, რომლებიც წარმატებით გაივლიან ფინალურ ტესტირებას, გადაეცემათ კურსის წარმატებით დასრულების დამადასტურებელი სერტიფიკატი.

კურსის განრიგი

9 მაისი - ლექცია 1

· პერსონალური მონაცემების და მონაცემთა დამუშავების ცნება

· ძირითადი დარგობრივი ტერმინები

· მონაცემთა დამუშავების მარეგულირებელი საერთაშორისო და ეროვნული კანონმდებლობის მიმოხილვა

· მონაცემთა დამუშავების მარეგულირებელი კანონმდებლობის მოქმედების სფერო

13 მაისი - ლექცია 2

· მონაცემთა დამუშავების საფუძვლები

16 მაისი - ლექცია 3

· მონაცემთა დამუშავების პრინციპები

20 მაისი - ლექცია 4

· მონაცემთა უსაფრთხოების დაცვა

· ინციდენტები და მათთან დაკავშირებული ვალდებულებები

23 მაისი - ლექცია 5

· მონაცემთა მეტად დაფარვის პრიორიტეტი (Privacy by Design & Default)

· მონაცემთა დაცვაზე ზეგავლენის შეფასება (DPIA)

27 მაისი - ლექცია 6

· ვიდეომონიტორინგის წესები

· აუდიომონიტორინგის წესები

30 მაისი - ლექცია 7

· ბიომეტრიული მონაცემების დამუშავება

· პირდაპირი მარკეტინგის წესები

· გარდაცვლილი პირის მონაცემების დამუშავება

3 ივნისი - ლექცია 8

· დამუშავებაზე უფლებამოსილ პირებთან და თანადამუშავებისთვის პასუხისმგებელ პირებთან ურთიერთობა

6 ივნისი - ლექცია 9

· მონაცემთა საერთაშორისო გადაცემა

10 ივნისი - ლექცია 10

· მონაცემთა სუბიექტის უფლებები

13 ივნისი - ლექცია 11

· მონაცემთა დამუშავებასთან დაკავშირებული ინფორმაციის აღრიცხვა (RoPA)

17 ივნისი - ლექცია 12

· საზედამხედველო ორგანოსთან ურთიერთობა

· პერსონალურ მონაცემთა დაცვის ოფიცრის როლი და ფუნქციები

20 ივნისი - ლექცია 13

· კანონმდებლობასთან შესაბამისობის უზრუნველსაყოფად გასატარებელი ღონისძიებების მიმოხილვა

24 ივნისი - ლექცია 14

27 ივნისი - ფინალური ტესტირება

სარეგისტრაციო მონაცემები

სახელი (ქართული ასოებით)

გვარი (ქართული ასოებით)

სახელი (ლათინური ასოებით)

გვარი (ლათინური ასოებით)

პირადი ნომერი

ელექტრონული ფოსტის მისამართი

სატელეფონო ნომერი

ინფორმაცია თქვენი პერსონალური მონაცემების დამუშავების შესახებ

დამუშავებისთვის პასუხისმგებელი პირი

ამ სარეგისტრაციო ფორმით თქვენ მიერ წარმოდგენილ პერსონალურ მონაცემებს დაამუშავებს ი/მ „დიფიო აკადემი ჯორჯია“ (ს/ნ: 01008063795).

ტელ: +995 511 71 66 44 ელ. ფოსტა: info@dpoacademy.ge

დამუშავების მიზანი

თქვენ მიერ წარმოდენილ მონაცემებს დავამუშავებთ სასწავლო კურსში თქვენი მონაწილეობის უზრუნველსაყოფად, კერძოდ, იმისთვის, რომ:

· მოგაწოდოთ კურსის ღირებულების გადახდისთვის საჭირო ინფორმაცია და შევძლოთ თქვენ მიერ კურსის ღირებულების გადახდის დადასტურება;

· გაგიზიაროთ კურსში მონაწილეობისთვის საჭირო ბმულები, ინფორმაცია და სასწავლო მასალა;

· მოვახდინოთ კურსის მიმდინარეობის ფარგლებში თქვენი იდენტიფიცირება;

· მოგაწოდოთ ინფორმაცია ფინალურ ტესტირებაში თქვენ მიერ მიღებული შედეგების შესახებ;

· ფინალურ ტესტირებაში დადებითი შედეგის მიღების შემთხვევაში, დაგიმზადოთ და მოგაწოდოთ სერტიფიკატი.

გაწეულ მომსახურებასთან დაკავშირებით დავის წარმოშობის შემთხვევაში, მონაცემები ასევე დამუშავდება ჩვენი სამართლებრივი პოზიციის დასასაბუთებლად.

დამუშავების საფუძველი

თქვენს მონაცემებს დავამუშავებთ „პერსონალურ მონაცემთა დაცვის შესახებ“ საქართველოს კანონის მე-5 მუხლის პირველი პუნქტის „ბ“ და „ი“ ქვეპუნქტების საფუძველზე.

შენახვის ვადა

სარეგისტრაციო ფორმით წარმოდგენილ თქვენს მონაცემებს შევინახავთ კურსის დასრულებიდან 1 წლის ვადით. შენახვის ვადის ამორუწვის შემდეგ თქვენი მონაცემები წაიშლება.

ვის გადავცემთ მონაცემებს

სარეგისტრაციო ფორმით წარმოდგენილ მონაცემებს შესანახად გადავცემთ ჩვენს დამუშავებაზე უფლებამოსილ პირს - Tally B.V. (რეგ. მისამართი: August Van Lokerenstraat 71, 9050 Ghent, Belgium; რეგ. ნომერი: 0776.979.007), რომელიც უზრუნველყოფს სარეგისტრაციო პლატფორმის ფუნქციონირებას.

დამუშავებაზე უფლებამოსილი პირი თქვენს მონაცემებს შეინახავს ბელგიის სამეფოში, სადაც უზრუნველყოფილია მონაცემთა დაცვისა და მონაცემთა სუბიექტის უფლებების დაცვის სათანადო გარანტიები.

თქვენი უფლებები

თქვენ გაქვთ უფლება, მოითხოვოთ:

• ინფორმაცია თქვენი მონაცემების დამუშავების შესახებ;

• თქვენი მონაცემების გაცნობა და მათი ასლის მიღება;

• თქვენი მონაცემების გასწორება, განახლება და შევსება;

• თქვენი მონაცემების დამუშავების შეწყვეტა, მონაცემების წაშლა ან განადგურება;

• თქვენი მონაცემების დაბლოკვა.

მოთხოვნის წარმოდგენა შეგიძლიათ შემდეგ მისამართზე: info@dpoacademy.ge.

თუ თვლით, რომ თქვენი პერსონალური მონაცემები უკანონოდ მუშავდება, შეგიძლიათ მიმართოთ სახელმწიფო აუდიტის სამსახურს ან სასამართლოს.

ქვემოთ მდებარე უჯრის მონიშვნით ადასტურებთ თქვენ მიერ წარმოდგენილი ინფორმაციის სიზუსტეს.

ქვემოთ მდებარე უჯრის მონიშვნით ადასტურებთ, რომ სრულად გაეცანით ზემოთ მოცემულ კურსის აღწერას და ინფორმაციას თქვენი პერსონალური მონაცემების დამუშავების შესახებ.

ამ სარეგისტრაციო ფორმის შევსების შემდეგ, ელექტრონული ფოსტის მისამართზე მიიღებთ კურსის ღირებულების გადახდის ინსტრუქციას.

კურსზე რეგისტრაციის დასასრულებლად აუცილებელია, მიღებული ინსტრუქციის შესაბამისად გადაიხადოთ კურსის ღირებულება.

კურსის ღირებულების გადახდის შემდეგ, ელექტრონული ფოსტის მისამართზე მიიღებთ კურსზე რეგისტრაციის დამადასტურებელ შეტყობინებას.