صفحة 1 من 9

صوت المجتمع │المشاركة الفعالة من أجل الحق في الصحة

إحنا مؤمنين إن الناس الأقرب للمشكلة غالبًا هم الأقدر على حلها، وإن مشاركة المجتمع مش بس إننا نتكلم عن احتياجاتنا، لكن كمان إننا نعرف إزاي نحوّلها لمطالب وأولويات واضحة نقدر نتحرك بيها.

من هنا بييجي برنامج "صوت المجتمع"؛ مساحة للتعلم والتجربة، هتساعدك تفهم بشكل أعمق القضايا الصحية في مجتمعك، وتتعلم إزاي تجمع معلومات وأدلة، تحدد الأولويات والجهات المسؤولة، وتشارك في الحوار حول الخدمات والموارد، وتعرض أفكارك وتوصياتك بصورة منظمة وبنّاءة.

وخلال البرنامج، مش هنتعلم بشكل نظري وبس؛ هتشتغل على قضية حقيقية من مجتمعك، وتطبّق عليها الأدوات والمهارات اللي بتتعلمها خطوة بخطوة.

البرنامج بيجمع بين التعلم على Shamseya Skills Portal، والجلسات المباشرة أونلاين، والأنشطة التطبيقية.

مش لازم تكون عندك خبرة سابقة في النظام الصحي أو الموازنة. المهم يكون عندك اهتمام حقيقي بمجتمعك، واستعداد تتعلم وتشارك وتجرّب.

طلب التقديم هياخد حوالي 15–20 دقيقة. خُد وقتك في الإجابة، واحكيلنا عن تجربتك بطريقتك؛ إحنا مش بندور على إجابات نموذجية، إحنا عايزين نعرفك أكتر.